4

محرم الحرام: سرکاری چھٹیوں کا اعلان، نوٹی فکیشن جاری

اسلام آباد: یوم عاشور کی مناسبت سے وفاقی حکومت نے ملک بھر میں 9 اور 10 محرم الحرام کو عام تعطیل دینے کا نوٹی فکیشن جاری کردیا۔
تفصیلات کے مطابق ہر سال کی طرح امسال بھی حکومت کی جانب سے یوم عاشور کے موقع پر سرکاری تعطیلات دینے کا اعلان کیا گیا، ملک بھر میں 9 اور 10 محرم یعنی 20 اور 21 ستمبر بروز جمعرات جمعہ تعطیل رہے گی۔
چاروں صوبائی حکومتوں نے بھی 9 اور 10 محرم کو صوبے کی سطح پر دو روزہ چھٹیاں دینے کا اعلان کیا، سرکاری تعطیلات کے دوران تمام نجی و سرکاری دفاتر، تعلیمی ادارے بند رہیں گے۔
دوسری جانب خیبرپختونخواہ حکومت نے سرکاری اسکولوں میں 6 سے 10 محرم تک تعطیلات دینے کا اعلان بھی کردیا۔ ڈپٹی کمشنر پشاور ڈاکٹر عمران نے اعلان کیا کہ جلوس کی گزر گاہوں والے تمام علاقوں میں سرکاری تعلیمی ادارے بند رہیں گے۔
نیا اسلامی سال اور ماہ شروع ہوتے ہی ملک بھر میں شہدا کربلا کی یاد میں مجالس اور جلوسوں کا اہتمام کیا جاتا ہے، وفاقی و صوبائی حکومتوں نے امن و امان کی صورتحال کو قابو میں رکھنے کے لیے سیکیورٹی کے خصوصی اقدامات بھی کیے۔
ذرائع کے مطابق سندھ حکومت نے دو روز موبائل سروس بند رکھنے کا فیصلہ کیا ہے جس کی سمری آئندہ چند روز میں وفاق کو ارسال کردی جائے گی۔

Loading...

اس خبر پر اپنی رائے کا اظہار کریں

اپنا تبصرہ بھیجیں