27

اداکاراحسن خان نے اپنی سالگرہ خصوصی بچوں کے ساتھ منائی

کراچی: معروف ٹی وی اور فلم اداکار احسن خان نے اپنی سالگرہ مخصوص صلاحیتوں کے حامل خصوصی بچوں کے ساتھ منائی،یہ ان کی 37 ویں سالگرہ ہے۔

معروف اداکاراحسن خان 9 اکتوبر 1981 کو لندن میں پیدا ہوئے تھے ، بعد ازاں ان کا خاندان پاکستان کے ثقافتی دارالحکومت لاہور منتقل ہوگیا تھا، جہاں انہوں نے اپنی زندگی کا زیادہ تر وقت گزارا ، ساتھ ہی ساتھ کیرئر کا آغاز بھی کیا۔

احسن خان نے پہلی فلم ’نکاح‘ سنہ 1998 میں کی تھی جس کے فوراً بعد وہ پی ٹی وی کے ایک ڈرامے میں دکھائی دیئے ، وہ اب تک دس فلموں میں کام کرچکے ہیں ، جن میں سے ایک اینیمٹڈ ہے اور اس میں ان کا صوتی کردار ہے۔

احسن خان کا ٹیلی ویژن کا کیرئر گزشتہ 13 سال پر محیط ہے اور وہ اب تک 35 سے زائد ڈراموں میں کام کرچکے ہیں ، جن میں اے آروائی ڈیجیٹل کے ڈرامے کبھی کبھی،میری لاڈلی، نیت، عمر ، دادی اور گھر والے، اور مقدس شامل ہیں۔

احسن خان نے اپنی سالگرہ کراچی کے ایک فلاحی ادارے ’دارالسکون‘ کے خصوصی بچوں کے ساتھ منائی ، اس موقع پر انہوں نے کیک کاٹا اور ادارے میں مقیم بچوں کو کھانے پینے کی اشیا بطور تحفہ دیں۔

اس موقع پر ان کا کہنا تھا کہ سالگرہ ان بچوں کے ساتھ منانےکا مقصد معاشرے کو یہ پیغام دینا ہے کہ خصوصی بچے ہوں یا بزرگ، ہر وہ شخص جسے ہمارے پیار اور توجہ کی ضرورت ہے اس پرتوجہ دینا اور اس کی مدد کرنا ہماری معاشرتی ذمہ داری ہے جسے ادا کرنا ہم پر فرض ہے۔

Loading...

اس خبر پر اپنی رائے کا اظہار کریں

اپنا تبصرہ بھیجیں